TE PURE RI HIKURANGI.

(No. 27, o te tau tuaono)  Kereitaone Wairarapa   N.Z. Tihema 18,   1905.   (Wharangi No. 1)

[Ki te Etita o te "Puke Ki Hikurangi,"
panuitia atu te Pire na hei mohiotanga mo
te iwi Maori; na te kai-arahi o te Apitihana
tenei Pire, ko a tera tuunga o te Paramata
ka whakamatauria e ia kia paahi hei ture
mo nga whenua Maori.—Hone Heke.J

Whakamarama i nga kai  ta-
ngo Riihi Whenua Maori.

HE PIRE E HUAINA ANA
He Ture hei whakangakau nui kia whaka-
tuheratia ai, kia whakapaingia ai nga whe-
nua e puritia ana i raro i nga Riihi e tukua
ana e nga Maori, a, hei hoatu punga e u ai
te Taitara o nga kai-tango i nga Riihi o ana
whenua, a, hei tiaki kei Rawa-koretia nga
Maori e tuku-a-riihi ana i aua whenua.

NOTEMEA he maha nga eka whenua e
puritia ana i Niu Tireni i raro i etahi riihi i
mahia e nga Maori no ratau aua whenua :
A, notemea hei painga mo te iwi katoa, me
whakapai nga whenua e puritia peratia ana
kia whai hua tonu ai: A, notemea he ma-
ha nga riihi kua mahia, engari i te mea he
poto rawa nga tau o aua riihi, na reira e ko-
re e taea e nga tangata no ratau nga whenua
te whakaea nga moni kua pau i te whakapa-
inga i nga whenua kua uru ki aua ruihi, kia
whai hua tonu ai aua whenua : A, notemea
ko nga kai-tango riihi whenua Maori, i runga
i te ahua o nga ture e mana nei i naianei e
pa ana ki nga tuku whenua Maori, hui atu
ki te awangawanga kei kore e whakahoutia
aua riihi, me te nui o nga moni tera e pau
i te whakahoutanga i aua riihi, me te nga-
kau kore ki te whakapai i nga whenua e
riihitia ana e ratau : A, notemea mehemea
e hoatu ana he tikanga hei punga e u ai nga
Taitara o aua kai-tango riihi, tera ratau e
ngakau nui ki te whakapai i aua whenua :
A, notemea he mea pai me ahei aua kai-ta-
ngo riihi whenua Maori ki te whakawhiwhi
i a ratau ki te FEE-SIMPLE o tetahi waahi iti
o nga whenua e riihitia ana e ratau, engari
i runga ano i etahi tikanga e kore ai nga
Maori no ratau aua whenua e kaha ki te wha-
karawa-kore ia ratau:

NA REIRA KUA MEINGA HEI TURE e te Runa-

nga Nui o Niu Tireni e noho huihui ana i
roto i te Paremata, a, i runga ano i tona
mana, ara:—

1.    Te ingoa poto o  tenei Ture  ko "Te

TE PUKE KI HIKURANGI.

tetahi taunaha moni reti pumau e  rite ana ki te rima pauna mo ia rau pauna i ia tau o te moai mo te hoko o taua  whenua,  mehemea ka kitea, ki te whakaarohia  nga  tau e toe ana e tetahi riihi i taua wa,   hui atu  ki nga moni reiti e tika ana kia utua i raro i taua riihi, ka nui ake nga moni e hua mai ana ki taua Maori i taua taunaha  moni reti,  a, ka waiho taua whakariterite hei  painga mo taua Maori e tuku ra, ahakoa ko taua tauna-he moni reti anake te huanga mai o tetahi oranga mona. 7.    Kaua he moni e tika   ana kia utua  i raro i taua taunaha moni reti kua  kiia  ake nei, e taea te tuku,  te mokete,   te  tiati, te muru, hei utu i tetahi whakataunga whakawa, e riro ranei i tetahi kai-tango pekerapu, e riro ranei ahakoa i tewhea huarahi hei utu i  nga nama a   te   Maori   i   mahia ai  hei painga mo taua taunaha moni reti, a.  kaua hoki taua taunaha moni reti e   whakawhitia e whakakorea ranei ki te kore e matua whakaaetia e te Kawana. 8.    Kaua tetahi kupu o tenei Ture e  kiia kai te whakamana i te tangohanga o te whi-rii-houra   me  te   FEE-SIMPLE  o  nga rahui Maori.
 He    Whakamaharatanga
 KIA
 HIRINI WHAANGA
 I  MATE   I  TE 17   o NGA RA o OKETOPA 1905.
 He kupu mihi ano hoki ki ona iwi  Maori   i Niu Tireni.
 Tenei matau te tuku atu   nei i  a   matau mihi kia koutou katoa, ki te iwi kei te noota, kei te tonga, kei te rawhiti, me  te  hauauru ano hoki.    Ki nga iwi katoa o ia ingoa, o ia ingoa, o ia whakapono,   o  ia whakapono. Notemea kua mahi  matau i   waenganui i a koutou katoa, a, kei te aroha   matau  ki a koutou katoa.    E mamae ana n matau ngakau, e tuohu ana o matau mahunga i te pouri, ina hoki,  kua karangatia atu tetahi   tangata mohio, tangata pai i   roto  i  a  tatau, ara, kua tangohia e te   Ariki ki a ia to tatau hoa aroha, to tatau teina, a, e kore tatau  e rongo i te tangi o tona reo, a,  e  whakahoahoa ano ranei ki a ia. He tangata mohio, he tangata pai a Hirini Whaanga.    Kua pono tonu   ia  ki  te   Atua me te whakaaro pu ano hoki ki tona iwi.    I riro i a ia te Bongo Pai, me te  huihui  mai ano hoki ki Hiona ki te mahi, he whakaaro ki ona tipuna.    No reira kua   riro a  ia hei kai whakaora  i  Hiona ; a tera ia e puta  mai i te ata o te aranga tuatahi.    Kua   whakaatu ia i tana whakaaturanga   ki toua iwi Maori, rae te whakahauhau ano i a ratau kia   tika tonu ki te aroaro o te Atua.    A. i te   mea e pouri, ana matau mona kua wehe ata i roto
ia matatu, a, e  ngakau nui ana ano matau mo ana tauira papai e whakatakotoria   nei e matau hei whakaarotanga mo koutou mo tona iwi. Kaati, kua whakmaoritia. me te tuku  atu kia koutou nga korero katoa o te turorotanga me te hemonga o Hirini he mea i taia i roto i nga nupepa o konei,  hei korerotanga  ma te Hunga Tapu   o  Hiona.    tenei  te  tukua atu nei ki a koutou.    Na o   koutou   tukana me o koutou hoa aroha. "Na Pene Katata. (Timuaki) "   Nitama   Ramapata (Hekeretari.) "   Etera Rihara. "   Etera Tiwinihana. "   Hipa Katara. "   Ruwhara Hari. "   Arapata Ahipa. "   Hipa Arahi. Nga apiha o te Huihui Maori o  Hiona.
 Kua Moe A Hirini  Whaanga I Te Moenga-roa.
 E TANGIHIA ANA TETAHI RAGATIRA    MAORI E ONA HOA TINI.   HE KAUMATUA IA E WHAKAHONORETIA NUITIA  ANA.
 I  MAHUE I A IA  TONA KAINGA  HE WHAKAARO KI TE RONGO PAI.
 I AROHAINA   NUITIA IA E TONA IWI I NIU  TIRENI. I    WHAKAHAERE TIKANGA IA   I RUNGA. I A   RATAU MO NGA TAU MAHA.
 No te 4 o nga haora o te 17   o  nga  ra   o o  Oketopa  nei  ka  moe  tetahi   koroua   no Niu Tireni i   te moenga-roa,   he  rangatira nui a ia no tetahi o nga hapu nui  o  te  Tai Rawhiti o Aotearoa.    I mate taua koroua ki te Ohipera o te Hunga Tapu.    I takoto mate  ia mo nga wiki e rua,   a  kotahi tekau o ona ra  ki te Ohipera.    I kawea ia ki reira i te kitenga kua kino haere tona mate. Ki te ahua kei te mama haere  tona  mate mo  tetahi wa, otira, e hee ana tona korohe-ketanga, no reira kua ata heke haere ia   mo enei ra torutoru kua hori ake nei. I tahuri a  Hirini   Whaanga  ki  te   Hahi "Moromona" a, i     u tonu ia ki tona Whakapono tupu.    Koia  tetahi  o  nga tangata tuatahi, nana i powhiri mai nga Kai-kauhau me te whakatu  i tetahi hui mo ratau i  roto i tona iwi.    I whakatahuritia   wawetia  mai ia, a, na Hoani Tuati ia i iriiri i te tau 1882. I a ia ka ahua mohio  ki  nga  tikanga o te Hahi, ka whakapuaki ia i  tetahi  hiahia kia haere ia ki Hiona, kia mahi i te mahi i roto i te Temepara o ona tupuna.    I te tau 1894, ka whakaritea e ia tona hiahia,    kawea  ana e ia tetahi waahi o tona whare, a  ka  noho ia ki Kanapa.    Kotahi tau ka haere mai ia ki te pa i Salt Lake,  a, mai   i taua  wa    e hono   tonu ana ana mahi  ki  te   Temepara. Ko tona kainga noho kei  817   West Eighth South Street, kei reira tonu e noho ana tana wahine a Mere Whaanga. me tetahi   ona taokete   wahine, tetahi  ona  mokopuna, toko-
rua ona iramutu taane kotahi te iramutu wahine kei Niu Tireni na, tokotoru ona tamahine, kua moe taane katoa. Na te hui Maori o Hiona i hoko te marae te whare mo taua rangatira.    Ko taua hui Maori he huihuinga no nga Kaumatua   kua mahi   i roto i  te   Mihana i Niu  Tireni: a, i atawhaitia ratau e Hirini  Whaanga i tona  ake  kainga.    I   mate a Hirini   Whaanga ki Salt Lake City, kei aua noa atu tona iwi, i te waahi i noho ai ia i tona tai tamaritanga.    Otira e kore te tangihanga me te ka-rakiatanga tupapaku e waiho ki tenei wahi anake o te ao. I tona   ake   iwi e whakahonoretia tonutia ana ia hei kai whakahaere mo  ratau, he mokopuna ia no tetahi whakapaparanga roa o  ratau tatai rangatira.    I nga tau e whitu kua pahure ake  nei,   ka hoki ia ki te  torotoro i tona iwi, a, ka whakahonoretia ia e ratau ano he kingi, na kia paku te  rongo o tona matenga ki Niu Tireni i te mea ka  tangihia a ia e nga mano  o tona iwi.    I Salt Lake City, e whakahonoretia nuitia ana ia e te iwi e matau ana ki a ia, a, tera nga Kaumatua o te huihuinga  Maori o  Hiona kua rongo kua turorotia taua rangaratira  katahi ka whakaritea e ratau tetahi  komiti o  taua huihuinga, hei whakahaere tikanga mona. I whanau   a Hirini   Whaanga  i te  tau 1828 ki te Tai-rawhiti o Niu Tireni.    Ko 1-baka Whaanga tona papa, i puta ia i  roto i tetahi whakapaparanga roa o nga rangatira o te hapu o N'Kahungunu o te iwi  Maori  o Niu Tireni.
 Nana i hanga tewhare Mihana
 Ko Hirini tetahi o nga mea tuatahi i wha karongo ki nga kaumatua, a, i tuku ano hoki i a ratau ki tona whare.    A, kihei i roa kua uru noa ia ki te Rongo Pai, katahi ka hanga whare ia me te whakahauhau ano  ki  tona iwi kia waiho tonu i tona whare he nohanga mo nga kaumatua.    A, oti rawa ake taua whakahaeretanga ana, katahi ka powhiritia e ia nga kaumatua katoa  ki  reira  noho  ai ratau.    Ko ia hei hoa awhina, hei whakatahuri mai hoki i etahi tangata maha, i  mua atu i tana whakataunga kia haere mai ia ki tenei whenua ; a, neke atu i te 4,000 mano nga mema Maori o te Haahi kei Niu Tireni. Na, i te tau 1898 ka  whakatau a Hirini Whaanga kia hoki atu ia ki  tona  kainga  i whanau ai, tetahi waahi o tona whakaaro ki a kauhau ia ki tona Iwi, me te whakaatu atu ano hoki  kia   ratau i  te   tikanga o tona Whakapono kua uru nei ia, me tetahi waahi ano o tona whakaaro kia kohikohi whakapaparanga mo tona whanau. He ahakoa ra ona tau kua 70 tae noa  ki tona kainga i whanau ai, ka haere hoiho ano ia i runga i tetahi haere nui,  pau noa i a ia te motu e kauhau haere ana ki ia pa ki ia pa; Katahi ka waiata a Hoani  Ropihana,   he waiata Pakeha:    ' Tukua mai tou  marieta-nga." Ku tu ake te timuaki o te Haahi a   Hohe-

TE PUKE KI HIKURANGI.



Salt Lake City



TE tanumanga o taua ranga

tira Maori.



I TE RA TAPU KA TU TETAHI KARA-

KIA NUI MO RUNGA I TE TINANA O 

HIRINI WHAANGA.



Hirini Whaanga



Hohea F. Mete

Hoani R. Winira



Hoori Poura

Hipa Arahi 

Warahi Kahitana

Etera Tiwinihana



Etera Rihara

Tahiti

Hawaiki



Hoori Teira

Heemi Hereta

Heemi Hikihana

Eruera Atikina

TE PUKE KI HIKURANGI.

   Panuitanga.



Niu Tirene



TE MIHI A TE TIMUAKITANGA O TE 

HAHI



KI NGA MEMA O TE HAHI O IHU KARAITI O NGA RA

O MURI NEI,  RATAU KO O MATAU HOA MAORI

AROHA KEI AOTEAROA.



Hirini Whaanga



Aotearoa



Hohepa F Mete

Hoani R. Winira

Anatona H. Kana





He Panuitanga

Ti hee! Mauri ora ki te whai ao ki te ao
marama, ki nga muna, ki nga iwi ki nga ranga-
tiratanga, me nga huihuinga tangata i ra-
ro i te rohe potae o tooku kiingitanga, he po-
hiri atu tenei kia koutou am ki nga tu ahua
katoa o te tangata, kia tae a tinana mai
koutou ki te tainga o te kawanga o toku
Temepara Kingitanga, o Kahuranaki. Ka
tuhera a te 28 o Maehe, i te tau o to koutou
Ariki, 1906.

Haere mai, haere mai, haere mai e te hu-
nga o Patia, o Miria, o Eroma, nga mea e
noho ana i Mehopotamia, i Huria i Koporokia.
i Ponota, i Ahia i Perukia, i Pamapuria i
Ihipa, i nga waahi o Ripia e pa tata ana ki
Hairini, nga manuhiri o Roma, nga Hurai,
nga Porohiraiti. Haere wai kia taumaha te
pakete i te hiriwa i te koura. Kia tu rawa
ake ai koe i tooku aroaro haha uta, haha tai

TE PUKE RI HIKURANGI.

Taekata ee, mauria mai taku puu a te
Tupara, purua mai a roto ki te Hiriwa ki te
Koura kia pai ai te paku ki tooku aroaro

E ta te Papanui, te nui o to ingoa, tena
hoe mai i runga i te Korea o taku pihhr.

Ina koa a te Heuheu, whanako i taku whe-
nua i Tongariro, homai nga toenga.

Whitikaupeka, e ta momonatia ana o mo-
kopuna a Arani ma i te kainga i nga kiko
o taku whenua, e hika ma me kore he toe-
nga.

Ko Utiku Potaka a te Whatuiapiti, tena
haere mai ki konei tangi ai, hara mai ano
te rakau ta, herea ano he whitau ki mua.

Marumaru, mauria mai te Kapu a taku
hoiho a Rangipuhi, whakakia mai a roto ki
te Waina.

Te Rangihuapu, i whakaritea koe e au,
ki te he koe i tou konohi matau, tikarohia
ma Tokoahu e mau mai kia au, takaia mai
ki te pukapuka.

Kia Te Whiti kia Tohu, e ta wa kaati pea
nga ra kia korua o taku Rirena, kawea mai
me nga Raukura ano.

Takarangi te teitei o to ingoa ki runga,
tena heke iho ki taku aroaro nei, ina te hoa-
ri, kai a koe te pukoro.

Kai te mohio pea te Koau-a-toru ki to-
ua matenga i te Aumiti, i whati ai tona pa-
rirau, haere mai ko au ra te rata mo ena tu
mate.

TE PUKE KI HIKURANGI.
 WHOREHETA AMA HOTEERA.
 (FORESTERS ARMS HOTEL.)
 I tawaahi atu o te Poutapeta o Kereitaone. HE WHARE HOU. He whare pai hoki, a,  he Hoteera e muia tonutanga ana e nga Maori me nga Pakeha. KEI AU NGA WAIPIRO TINO PAI ATU. —— Ara. —— Nga Wehike,  nga Tiini,  nga Parani, nga Kama, nga Waina, me nga  Pia tino pai hoki, hui tahi ki nga ahua Wai-reka katoa. 
 He nui hoki te papai o nga  kai,  me  nga moenga, tae noa ki te Piriote ruuma. — Me— Te Tepara Hoiho. Iwa Ropata (Eva Robert's. Kereitaone Noota.
 T. P. ROHIPI.
 (D. P. LOASBY.)
 He toa kai, kei tawaahi ake o te Peeke o Niu Tireni.    He  nui nga ahua kai katoa kei au. — Ara — Paraoa, Huka, Tii,  Pata, Raihi, Tiamu, me era ata ta ahua kai katoa. He nui hoki nga Pureti, me nga Kapu me nga Toote, Naihi, Whaaka Tiaka,   me  era atu tu ahua o era tu taonga. — A — He nui nga Puutu, me nga  Huu,  a,   he ngawari hoki te atu. Nga Toowe (Stove) tunu kai,  nga  Toowe whakamahana hoki. Engari kaore e riro i runga i te nama. Toa o nga taonga katoa T. P. Rohipi. Tiriti Nui Kereitaone.
 A. TEONE.
 (A. JONE'S.) Kai tunu Rohi, Keeke.
 E tino mohio ana nga Maori ki taku Peka, kai te taha tonga o te Parahi Hooro  o Kereitaone. Me te tino mohio hoki o nga tangata,  he tangata pai ahau ki te tunu Paraoa,  Keeke, me era atu tu ahua kai pera katoa. Ko ahau hoki tetahi o nga peka kawekawe rohi ma nga tangata o Kereitaone, me Papawai Maori Pakeha. No reira haere mai ki ahau,  ko ahau  to koutou hoa i nga ra katoa, huri noa nga tau maha e tu mai nei Tiriti  Nui. A. Teone. Kereitaone.
 AREKA. MARE.
 (ALEX.   MURRAY.)
 Rangatira toa kakahu, i te taha  whakate-raki o te Parihi Hooro o Kereitaone. Eai au nga tino kakahu o ia ahua o ia  a-hua, mo te  taane,  mo  te  wahine,  mo  te tamariki hoki.
 Mo te taane : — Koti  nui arai- ua,  Hutu,   Haate  wuuru, Waiti Haate me nga karu, Potae, Paranene, Poraka, Toroihe,   Tokena, Neketai,   me  era atu kakahu mo te taane.    A, ina hiahia te tangata ki te Hutu meiha, ka taea  e  au  te hanga he Hutu meiha,  i  taau  ahua  ano  i hiahia ai.
 Mo te wahine: — Koti wahine arai-ua, tiakete hiraka, piihi hiraka, piihi wuuru tino papai, potae, kaone, tokena, nga kakahu o roto, me era atu kakahu papai mo tenei hanga mo te wahine. Mo te tamariki : — Koti rahi, hutu, potae, me era atu kakahu mo te tamariki.
 Haere mai !    Ko nga po tenei o te  Takurua, me te powhiriwhiri ano ki te ringa, kia whiwhi ai koe ki tahi i hiahia ai. Tiriti  Nui. Areka. Mare. Kereitaone.
 PANUI WHAKAMARAMA.
 He  whakamarama  te   waahi tuatahi   ki nga iwi, ki nga hapu, huri noa i  nga taha tika o Aotearoa me te   Waipounamu,   tena koutou i roto i te tau hoou o to tatau   Ariki 1905. I puta  ta  matau  panui  whakatikatika i roto i te wharangi  apiti o te "Puke," mo te panuitanga i roto i te reo Maori o te "Puke" e mau na i te wharangi 2 o te pepa, o te 9 o nga ra o Noema 1904.    I mea taua   panui i roto i te taha  ti te reo Pakeha tae noa ki te wharangi apiti reo  Maori ko te   utu mo te pepa  o  te "Puke" i te  tau  12/6, mehemea ma roto i te Poohi te tukunga atu   i te pepa mo te tangata ko te utu 15/-,   ko tenei whakaritenga i te  utu tau  mo te "Puke" ehara i te mea he mea   whakahaere i roto i te runanga o te "Puke," engari  he   mea  hanga rawaho atu i te komiti, ua te Etita o te taha Maori, me te   Etita hoki o te taha   Pakeha, hui tahi kia Niniwa, ka oti ia ratau tokotoru, ka   perehitia  te   panui  whakatikatika i roto i te wharangi  apiti o  te "Puke" e kite iho na koutou.    No te  huihuinga whakamutunga o te komiti i te 22 o nga ra  o  Tihema ka hori nei, ka kokiritia taua take  ki ki waenganui i te komiti ko te riringa tenei o te komiti kia maua, mo te whakarereketanga i ta te komiti i whakaoti ai, i te huihui-o mua atu, ara, koia tera, ta te komiti i wha-
kaatu ai, ko te panui   i  roto  i te   wharangi 2 o te reo Maori o te "Puke". No reira e nga iwi, e nga hapu   katoa, ka whakaotia te utu mo  to   koutou taonga  ki runga i ta te komiti i whakatau  ai,  ara,  ki 16/- hereni mo te tau, a, mo te ono marama e    9/-    hereni,    mo ' te    8     marama     e 5/- hereni.    E wha hoka putanga i roto i te marama. Tuarua, i kore ai a te "Puke" e puta i roto i te marama o Hanuere i panuitia ra i  tera putanga ka hori nei, i te whanga tonu matau ki te kai-whakahaere o te taha Pakeha,  kia puta mai ona korero mo te taha ki  te  reo Pakeha o te "Puke," i runga i te  mea nona te kahanga ki te kukume kia rua nga reo mo te "Puke," heoi ta matau he Amine atu, a, oti pai ana i runga i ta matau whakaritenga, nae te tu hoki koia hei whakahaere mai i nga korero mo te taha Pakeha.   Kaati i te rupe-ketanga mai o nga mea  katoa ia matau, e haere ai te pepa me ona reo e rua i runga i te motu nei, ka riro  na  te taha Pakeha i whakaroa, he kore kaore e hohoro mai  nga korero e kii ai nga wharangi mo te taha Pakeha, koia te take i whanga tona ai matau, a, pau noa nga ra o te marama o Hanuere. No reira te kai-tuhi ka whakaaro,  e  kore rawa e taea e matau te whanga atu  ano,  ki nga whakahaere mo te taha Pakeha.    Koi penei tonu ta matau mahi ki te whanga haere, a, ka pakaru te taiepa, ka marara te kahui ki runga i nga tihi o nga maunga,  e kore hoki e taea te whakawhaiti  kia topu ano te kahui.    No reira matau ka whakahaere i te taha kia matau, kia wawe te pata atu ki runga i te motu nei.    Waiho te taha Pakeha kia ata takatu  ana,  a tona wa pea  e rite ai, hei reira ka karapiti ai nga reo e rua te putanga atu kia   koutou.   Engari  ko  to mea ma koutou,   he uta  pikaunga  mai  ki runga   i  to   koutou   taonga    i   te   mea kua    mohio   iho   koutou   ki     nga   kaupapa hei wahanga ma te  "Puke"  ara,   koia tenei : — (1.)    Ka whakatuwheratia a te   "Puke" ki nga iwi. ki nga hapu, me nga tangata taane, wahine, tamariki hoki, ma  koutou ia e powhiri mai ki o koutou marae, i a ia e haere ana ki te whakamanawa haere kia  koutou ki nga morehu a aitua ) mahue ake i te ao nei,  a, ma koutou hoki e nga iwi, me nga hapu, e hoatu nga tohu o te pai e te aroha ki to  tatau taonga,   ka tukua atu   na  kia koutou.
 (2.)    Ka manaakitia e te "Puke" nga taonga e homai ana e nga Pihopa e nga Minita o nga Haahi   katoa, hei tohutohu,  hei ako, hei whakatupato,   i nga iwi, i nga hapu katoa o nga motu e rua nei.       (3.)    Ea manaakitia e te "Puke" nga taonga o nga tangata matau ki nga whakahaere, e  whiwhi  ai te iwi me nga hapu ki te matauranga,  e puta  mai ai te pai te ora, te rangimarie, te ata  noho, i roto i te aroha o tetahi ki tetahi. (4.)    Ka manaakitia e te "Puke" nga taonga o nga tangata matau ki te tohutohu, ki te
 

TE PUKE KI HIKURANGI.

WHAKAMARAMA I NGA TURE
O "TE PUKE KI HIKURANGI."

Kia tau raia kia koutou katoa te rangima-
rie, me te aroha noa, me te rongomau, e ki)
ana te kupu a to koutou whanaunga, i muri
nei kia mau ki te Whakapono, na te Wha-
kapono i tu ai nga mahi, na nga mahi i tu
ai te Whakapono ae Amene.